Pagal Larki

woh kaisee pagal larki thee
khawaboon main khoyee rehtee thee
jab koi ussay samjhata tha
woh hans kar tala kartee thee
phir ik din bhaithay bhaithay hee
na janay kyon woh ronay lagee
ashkoon kee aisee jharee lagee
woh tinka tinka behtee rahee
janay kis kay guman main thee
janay kis armaan main thee
woh kaisee pagal larki thee
woh aatay jatay chehroon ko
chup reh kar taktee rastoon ko
jheel see gehree aankhoon main
bhegee bhegee palkoon main
tofaan chupaye rehtee thee
ghum saray khud hee sehtee thee
woh kaisee pagal larki thee
hum nay bhi socha ik bar
pochain usska haal-e-zaar
kon hai woh adam-e-bayzaar
jis say kartee hai woh pyar
laikin hum to haar gaye
khali saray war gaye
ik din sheeshaa choor howa
sans ka panchee dur howa
jo pathar say takratee thee
woh aisee pagal larki thee